३० जानेवारी हा महात्मा गांधीजींचा स्मृतिदिन. त्या निमित्ताने, त्यांच्या जीवनातील महत्त्वाच्या घडामोडी, त्यांचे विचार आणि त्यांच्या अस्थींचे दर्शन घेण्यासाठी झालेली गर्दी आदींबद्दलचे व्हिडिओ येथे शेअर करत आहोत. 
........
महात्मा गांधी यांच्या जीवनाशी संबंधित घटनांचे दुर्मीळ चित्रीकरण पुण्यातील राष्ट्रीय चित्रपट संग्रहालयाकडे आहे. गांधीजींच्या अस्थी घेऊन जाणाऱ्या रेल्वेचे चित्रीकरणही त्यात आहे. त्यातील मद्रास ते रामेश्वरम रेल्वेप्रवासाचे चित्रीकरण सोबतच्या व्हिडिओत पाहता येईल. महात्मा गांधींच्या अस्थिकलशाचे दर्शन घेण्यासाठी रेल्वेमार्गाच्या दुतर्फा, तसेच रेल्वेस्थानकांवर लोकांनी गर्दी केल्याचे, तसेच राजकीय नेतेमंडळीही दर्शनासाठी आल्याचे त्यात दिसते.



महात्मा गांधीजींच्या १५०व्या जयंतीवर्षानिमित्ताने प्रेस इन्फॉर्मेशन ब्यूरो अर्थात पीआयबीने त्यांच्या जीवनावरील, तसेच त्यांच्या विचारांवरील विविध व्हिडिओ तयार केले आहेत. ते व्हिडिओ सोबत देत आहोत. (गांधीजींबद्दल ज्येष्ठ लेखक रवींद्र गुर्जर यांनी लिहिलेला विशेष लेख वाचण्यासाठी येथे क्लिक करा.)